‘മരട് 357’–ന്റെ പേര് മാറ്റണമെന്ന് കോടതി വിധി; പുതിയ പേര് ‘വിധി:ദ് വെര്ഡിക്റ്റ്’
- Posted on August 19, 2021
- Cinemanews
- By JAIMOL KURIAKOSE
- 290 Views
മരട് ഫ്ളാറ്റ് പൊളിക്കലിനെ പശ്ചാത്തലമാക്കി ഒരുക്കുന്ന ചിത്രത്തിനെതിരെ പൊളിച്ച ഫ്ളാറ്റുകളുടെ നിർമാതാക്കളാണ് ഹര്ജി നല്കിയത്
കണ്ണന് താമരക്കുളം സംവിധാനം ചെയ്യുന്ന പുതിയ ചിത്രം ‘മരട് 357’–ന്റെ പേര് മാറ്റാന് നിര്ദേശിച്ച് ഹൈക്കോടതി. 'വിധി:ദ് വെര്ഡിക്റ്റ്' എന്നാണ് ചിത്രത്തിന്റെ പുതിയ പേര്. മരട് ഫ്ളാറ്റ് പൊളിക്കലിനെ പശ്ചാത്തലമാക്കി ഒരുക്കുന്ന ചിത്രത്തിനെതിരെ പൊളിച്ച ഫ്ളാറ്റുകളുടെ നിർമാതാക്കളാണ് ഹര്ജി നല്കിയത്. മാര്ച്ച് 19ന് തിയറ്ററില് റിലീസ് ചെയ്യാനിരിക്കവെയാണ് എറണാകുളം മുന്സിഫ് കോടതിയുടെ ഇടപെടൽ.
തുടര്ന്ന് കേസ് ഹൈക്കോടതിക്ക് വിടുകയായിരുന്നു. 8 മാസത്തെ നിയമപോരാട്ടത്തിന് ഒടുവിലാണ് കോടതി വിധി വന്നിരിക്കുന്നത്. വിധിയുടെ അടിസ്ഥാനത്തില് ‘മരട് 357’ എന്ന പേര് മാറ്റി ചിത്രത്തിന് ‘വിധി – ദി വെര്ഡിക്റ്റ്’ എന്നാക്കിയതായി നിര്മാതാക്കള് അറിയിച്ചു. ചിത്രത്തിന്റെ സെന്സറിങ് പൂര്ത്തിയായിട്ടുണ്ട്.
അബാം മൂവീസിന്റെ ബാനറില് അബ്രഹാം മാത്യുവും സ്വര്ണ്ണലയ സിനിമാസിന്റെ ബാനറില് സുദര്ശന് കാഞ്ഞിരംകുളവും ചേര്ന്നാണ് നിര്മാണം. ദിനേശ് പള്ളത്തിന്റേതാണ് തിരക്കഥ. അനൂപ് മേനോന്, ധര്മ്മജന്, ഷീലു എബ്രഹാം, നൂറിന് ഷെരീഫ്, മനോജ് കെ ജയന്, ബൈജു സന്തോഷ്, സാജില് സുദര്ശന്, സെന്തില് കൃഷ്ണ, സുധീഷ്, ഹരീഷ് കണാരന്, കൈലാഷ്, ശ്രീജിത്ത് രവി, ജയന് ചേര്ത്തല, സരയു തുടങ്ങിയവരും ചിത്രത്തില് അണിനിരക്കുന്നു.
പൃഥ്വിരാജ് പ്രഖ്യാപിച്ച സർപ്രൈസ് വെളിപ്പെടുത്തി മോഹൻലാലും മമ്മൂട്ടിയും