ഓണത്തിന്ശേഷം കുതിച്ച് ഉയർന്ന് കോവിഡ്; ഈ ആഴ്ച 40000ന് മുകളിലെക്ക് രോഗികളുടെ എണ്ണം എത്തുമെന്ന് വിലയിരുത്തൽ

ഓക്സിജൻ ആവശ്യമുള്ള രോ​ഗികളുടെ എണ്ണത്തിലും വർധന

കോവിഡ് രോ​ഗികളുടെ എണ്ണത്തിൽ ഓണത്തിന്ശേഷം വൻ വർധന. 24ശതമാനമാണ് പത്ത് ദിവസത്തിനിടെ വർധിച്ചത്. ഒരാളിൽ നിന്ന് എത്രപേരിലേക്ക് രോ​ഗം പകർന്നുവെന്ന് കണക്കാക്കുന്ന ആർ നോട്ട് 0.96ൽ നിന്ന് 1.5ആയി ഉയർന്നിട്ടുണ്ട്.

40000ന് മുകളിലെക്ക് രോഗികളുടെ എണ്ണം ഈ ആഴ്ച എത്തുമെന്നാണ് സർക്കാരിന്റെ കോവിഡ് റിപ്പോർട്ട് പ്രകാരമുള്ള വിലയിരുത്തൽ. രോ​ഗികളുടെ എണ്ണം  പത്ത് ദിവസത്തിനുള്ളിൽ കുറയാമെന്നും ഈ റിപ്പോർട്ടിൽ പറയുന്നു. 

വാക്‌സിനേഷനിൽ കാര്യമായ പുരോ​ഗതി ഉണ്ടായതിനാൽ സ്ഥിതി ഗുരുതരമാകില്ലെന്നാണ് വിലയിരുത്തൽ. തിരുവനന്തപുരം മെഡിക്കൽ കോളജ് ആശുപത്രിയിലടക്കം ഓക്സിജൻ ആവശ്യമുള്ള രോ​ഗികളുടെ എണ്ണത്തിൽ വർധന ഉണ്ടായിട്ടുണ്ട്. ഇതേസമയം ഐ സി യു, വെന്റിലേറ്റർ എന്നിവയിൽ പ്രവേശിക്കപ്പെടുന്ന രോ​ഗികളുടെ എണ്ണത്തിൽ വർധനവ് ഉണ്ടാകില്ല. 

ഡെൽറ്റ വകഭേദത്തിന്റെ രോ​ഗ ലക്ഷണങ്ങൾ പ്രത്യക്ഷപ്പെടാനുള്ള സമയം മൂന്ന് മുതൽ ആറ് ദിവസമായി കുറഞ്ഞിട്ടുണ്ട്. വാക്സീൻ പരമാവധി വേ​ഗത്തിലാക്കാകുകയും മാനദണ്ഡങ്ങളും നിയന്ത്രണങ്ങളും  പാലിക്കുകയും ചെയ്തതിനാൽ വലിയതോതിൽ ആശങ്കപ്പെടെണ്ടതില്ലാ എന്ന് സർക്കാരിന്റെ റിപ്പോർട്ട് വിലയിരുത്തുന്നു.

കാർഡ് വിവരങ്ങൾ മുഴുവനും ഓർത്തിരിക്കണം