പിടിവിട്ട ചൈനീസ് റോക്കറ്റ് ഇന്ത്യന് മഹാസമുദ്രത്തിൽ വീണു; ദീർഘ ശ്വാസം വിട്ട് ലോകം
- Posted on May 09, 2021
- News
- By Sabira Muhammed
- 294 Views
ഒമാന്, ഇസ്രയേല് ഏന്നീ രാജ്യങ്ങളില് നിന്നും റോക്കറ്റ് കടന്നുപോകുന്നതിന്റെ ദൃശ്യങ്ങള് നേരത്തേ പുറത്തുവന്നിരുന്നു.
ചൈനീസ് റോക്കറ്റ് ലോംഗ് മാര്ച്ച് 5ബിയുടെ ഭാഗങ്ങൾ മാലദ്വീപിനോടു ചേര്ന്ന് ഇന്ത്യന് മഹാസമുദ്രത്തിൽ വീണു. ഭൂമിയുടെ അന്തരീക്ഷത്തിലേക്ക് പ്രവേശിച്ചപ്പോൾ തന്നെ റോക്കറ്റിന്റെ ഭാഗങ്ങളിലേറെയും കത്തിയെരിഞ്ഞതായും കടലില് വീണത് ചില ഭാഗങ്ങള് മാത്രമാണെന്നും ചൈന അറിയിച്ചു. ഒമാന്, ഇസ്രയേല് ഏന്നീ രാജ്യങ്ങളില് നിന്നും റോക്കറ്റ് കടന്നുപോകുന്നതിന്റെ ദൃശ്യങ്ങള് നേരത്തേ പുറത്തുവന്നിരുന്നു.
ഏപ്രില് 29ന് ചൈനയുടെ ലാര്ജ് മോഡ്യുലര് സ്പേസ് സ്റ്റേഷന്റെ പ്രധാനഭാഗം ടിയാന്ഹെ മൊഡ്യൂളിനെ ഭ്രമണപഥത്തിലെത്തിച്ചിരുന്നു. എന്നാൽ ടിയാന്ഹെ മൊഡ്യൂളില് നിന്ന് റോക്കറ്റിന്റെ പ്രധാന ഭാഗം വേര്പെടുകയായിരുന്നു. ഇത് ഭൂമിയിലേക്ക് സുരക്ഷിതമായി തിരികെ ഇറക്കാനുള്ള ശ്രമത്തിനിടെയാണ് റോക്കറ്റിന്റെ നിയന്ത്രണം നഷ്ടമായത്.