ജീവനക്കാരുടെ മൊബൈൽ ഫോൺ ഉപയോഗം കുറയ്ക്കണം; ഉത്തരവുമായി മഹാരാഷ്ട്ര സർക്കാർ
- Posted on July 24, 2021
- News
- By JAIMOL KURIAKOSE
- 245 Views
മഹാരാഷ്ട്ര പൊതുഭരണ വകുപ്പാണ് ഉത്തരവ് പുറത്തു വിട്ടത്
സര്ക്കാര് ജീവനക്കാര് ജോലി ചെയ്യുന്ന സമയങ്ങളിൽ മൊബൈല് ഫോണിന്റെ ഉപയോഗം കുറയ്ക്കണമെന്ന് മഹാരാഷ്ട്ര സര്ക്കാര്. മഹാരാഷ്ട്ര പൊതുഭരണ വകുപ്പാണ് ഈ ഉത്തരവ് പുറത്തു വിട്ടിരിക്കുന്നത്.
ഓഫീസിലെ പ്രവർത്തനങ്ങൾക്ക് ലാന്ഡ് ഫോണ് ഉപയോഗിക്കാമെന്നും ഉത്തരവിൽ പറയുന്നു. ഓഫീസ് സമയത്തിന് ശേഷം മാത്രമേ സ്വകാര്യ ആവശ്യങ്ങൾക്കായി മൊബൈല് ഫോണ് ഉപയോഗിക്കാനാവു. അത്യാവശ്യ ഘട്ടങ്ങളിൽ മൊബൈല്ഫോണ് ഓഫീസില് ഉപയോഗിക്കാം, കുറഞ്ഞ ശബ്ദത്തിലും ശാന്തതയോടെയും സംസാരിക്കണം എന്നും ഉത്തരവിൽ പറയുന്നു.
ഔദ്യോഗീക മീറ്റിംഗുകള്ക്കിടയില് മൊബൈൽ ഫോണ് സൈലന്റ് മോഡില് ആക്കണമെന്നും അതേ സമയം ഇന്റർനെറ്റ്, ഇയര്ഫോണ്, എന്നിവയുടെ ഉപയോഗം ഒഴിവാക്കണമെന്നും മഹാരാഷ്ട്ര സർക്കാർ അറിയിച്ചു. ജോലിയിൽ പ്രവേശിച്ച ശേഷം സോഷ്യൽ മീഡിയ ഉപയോഗിക്കാൻ പാടില്ല എന്നും എന്തെങ്കിലും പ്രധാനപ്പെട്ട ആവശ്യങ്ങളിൽ ടെക്സ്റ്റ് മെസ്സേജ് അയക്കമെന്നും ഉത്തരവിൽ സൂചിപ്പിക്കുന്നു.