46-ാമത് കേരള ഫിലിം ക്രിട്ടിക്‌സ് അവാർഡുകൾ: മികച്ച അഭിനേതാക്കളായി കുഞ്ചാക്കോ ബോബൻ, ദർശന

ശ്രീലാൽ ദേവരാജും പ്രേമ പി തെക്കേക്കും നിർമ്മിച്ച് രാജീവ് നാഥ് സംവിധാനം ചെയ്ത സിനിമ ഹെഡ്മാസ്റ്ററും കേരള സ്റ്റേറ്റ് ഫിലിം ഡെവലപ്‌മെന്റ് കോർപ്പറേഷൻ (കെഎസ്എഫ്ഡിസി) നിർമ്മിച്ച് ശ്രുതി ശരണ്യം സംവിധാനം ചെയ്ത ബി 32 മുതൽ 44 എന്ന സിനിമയും 46-ാമത് കേരള ഫിലിം ക്രിട്ടിക്‌സ് അവാർഡിൽ മികച്ച ചലച്ചിത്രത്തിനുള്ള അവാർഡ് പങ്കിട്ടു. അറിയിപ്പ്, എന്ന താൻ കേസ് കോട്, പകലും പാതിരാവും എന്നീ ചിത്രങ്ങളിലെ അഭിനയത്തിന് കുഞ്ചാക്കോ ബോബൻ മികച്ച നടനുള്ള പുരസ്‌കാരവും ജയ ജയ ജയ ജയ ഹേ, പുരുഷ പ്രേതം എന്നീ ചിത്രങ്ങളിലെ അഭിനയത്തിന് ദർശന രാജേന്ദ്രൻ മികച്ച നടിക്കുള്ള പുരസ്കാരവും നേടി. അറിയിപ്പ് എന്ന ചിത്രത്തിലൂടെ മഹേഷ് നാരായണനെ മികച്ച സംവിധായകനായി തിരഞ്ഞെടുത്തു. ജൂറി ചെയർമാനും കേരള ഫിലിം ക്രിട്ടിക്‌സ് അസോസിയേഷൻ പ്രസിഡന്റുമായ ഡോ. ജോർജ് ഓണക്കൂരാണ് പുരസ്‌കാരങ്ങൾ പ്രഖ്യാപിച്ചത്.