ആഹാരത്തെക്കുറിച്ച് ഭാഗം-7
- Posted on February 05, 2021
- Ayurveda
- By Dr. Deepthi
- 641 Views
ആ ആഹാരം പൂർണ്ണമാണെങ്കിൽ മാത്രമേ നമ്മുടെ ശരീരം പൂർണ്ണതയുള്ളതായി മാറൂ, അതേപോലെ ആരോഗ്യത്തോടെ ഊർജ്ജസ്വലമായി നിലനിൽക്കൂ.
ഭക്ഷണത്തിലെ പൂർണ്ണത
ഭക്ഷണത്തെക്കുറിച്ചുള്ള നമ്മുടെ അടുത്ത പോയിന്റ് "പൂർണ്ണത " എന്നതാണ്. പൂർണ്ണമായ ഒരു കുഞ്ഞ് ജനിക്കണമെങ്കിൽ മാതാപിതാക്കളിലെ കുഞ്ഞുണ്ടാവാനുള്ള ശരീരത്തിലെ ഒരു പ്ലാറ്റ്ഫോം പൂർണ്ണതയുള്ളതാവണം.
അപ്പോൾ നമ്മുടെ ശരീരം നിലനിൽക്കുന്നതിൽ പ്രധാനം നമ്മൾ ശരീരത്തിന് കൊടുക്കുന്ന ഇന്ധനങ്ങളാണല്ലോ. അതിൽ ഏറ്റവും ആരോഗ്യത്തിന് നമ്മെ സഹായിക്കുന്നത് നമ്മുടെ ആഹാരമാണ്. ആ ആഹാരം പൂർണ്ണമാണെങ്കിൽ മാത്രമേ നമ്മുടെ ശരീരം പൂർണ്ണതയുള്ളതായി മാറൂ, അതേപോലെ ആരോഗ്യത്തോടെ ഊർജ്ജസ്വലമായി നിലനിൽക്കൂ.
ഇന്ന് നമ്മൾ കഴിക്കുന്ന ആഹാരത്തിൽ എല്ലാം തന്നെ പൂർണ്ണത നഷ്ടപ്പെട്ടവയാണെന്നു നിങ്ങൾക്ക് സസൂക്ഷ്മം ശ്രദ്ധിച്ചാൽ മനസ്സിലാക്കാവുന്നതേയുള്ളൂ. അരി തവിട് കളയാതെ കഴിക്കുന്നതാണ് പ്രമേഹരോഗത്തിനു പോലും നല്ലത്. സ്ത്രീആരോഗ്യത്തിനും അങ്ങനെ തന്നെ. എന്നാൽ കുറച്ചു മുൻപ് വരെ അങ്ങനെ കഴിച്ചുകൊണ്ടിരുന്ന നമ്മളെ തുമ്പപ്പൂ പോലെയുള്ള ചോറ് എന്ന പരസ്യപ്രചാരണത്തിലൂടെ ഇതേപോലെ നല്ല ഭാഗങ്ങളൊക്കെ കളഞ്ഞ വെള്ള അരിയുടെ ചോറ് കഴിപ്പിച്ചു നാം അത് തുടർന്നു. എന്നാൽ ഈ കമ്പനിയുടെ ആൾക്കാർക്ക് പാടത്തെ നല്ല അരിയുടെ ചോറ് വേറെ ഉണ്ടാവും. അരി polish ചെയ്ത് നല്ല അംശം കളഞ്ഞാണ് തുമ്പപ്പൂ പോലെ ആക്കുന്നത്.
ഗോതമ്പിന്റെ പതിനാലാമത്തെ പോളിഷ്ഡ് വസ്തുവാണ് ആണ് മൈദ. ശരിക്കു പറഞ്ഞാൽ വേസ്റ്റ് മെറ്റീരിയൽ . ആ കളയുന്ന വസ്തുകൊണ്ടാണ് നമുക്കിപ്പോൾ ബേക്കറിയിൽ ലഭ്യമാവുന്ന എല്ലാ ഭക്ഷണ പദാർത്ഥങ്ങളും കിട്ടുന്നത്.ശരീരത്തിന് ആവശ്യമുള്ള ഒന്നും ഇല്ലാത്ത മൈദ കൊണ്ടുണ്ടാക്കിയവ നാം വലിയ വിലയും കൊടുത്തു വാങ്ങിക്കഴിച്ചു രോഗികളാവുന്നു.
പച്ചക്കറികളാണെങ്കിൽ എല്ലാത്തിന്റെയും പോഷകസമൃദ്ധമായ ഭാഗങ്ങൾ വിഷമയമായ വയായതുകൊണ്ടു കളഞ്ഞാണ് നാം കഴിക്കുന്നത്. ഉദാഹരണത്തിന് ഉരുളക്കിഴങ്ങ് കാർബോഹൈഡ്രേറ്റ് കൊണ്ട് സമ്പന്നമാണ് ഒപ്പം ഏറ്റവും കൂടുതൽ പൊട്ടാസ്യവും അടങ്ങിയിരിക്കുന്നു. ഈ പൊട്ടാസ്യം തൊലിയോട് ചേർന്നാണുള്ളത്. പച്ചക്കറികൾ കേടുകൂടാതിരിക്കാൻ ഉപയോഗിക്കുന്ന രാസപദാർത്ഥങ്ങൾ അധികമായതുകൊണ്ട് നാം തൊലി കളഞ്ഞാണുപയോഗിക്കുന്നത്.
ഇനി പഴവർഗ്ഗങ്ങളാണെങ്കിൽ പേരക്ക, മാങ്ങ തുടങ്ങിയ ഏതും നമ്മുടെ നാട്ടിൽ സുലഭമായ എന്തിനൊരു ചക്ക പോലും ഇപ്പോൾ കിട്ടുമ്പോൾ മരുന്നടിച്ചും മറ്റുമാണ് നമുക്ക് കിട്ടുന്നത്. കരിമ്പിൻ നീര് അത്രയും പോഷകസമൃദ്ധമാണ്. എന്നാൽ അത് നമ്മൾ ഉപയോഗിക്കാതെ പകരം ബ്ലീച്ച് ചെയ്ത് ചെയ്ത് വെളുപ്പിച്ചു കിട്ടുന്ന വെളുത്ത പഞ്ചസാരയാണ് നമ്മുടെ പ്രിയം. അത് അറിവില്ലായ്മ കൊണ്ട് കൂടിയാണല്ലോ !!!ഇതിനൊരു ശാശ്വത പരിഹാരം എന്താണെന്നായിരിക്കും നിങ്ങൾ ചോദിക്കാൻ വരുന്നത് --അതെനിക്കറിയാം.
നമുക്ക് ചുറ്റും ഒരുപാട് പരിഹാരങ്ങൾ ഉണ്ട്. എന്നാൽ ഇപ്പോൾ ഉള്ള സുഖകരമായ അതായത് എളുപ്പത്തിൽ നമ്മുടെ മുന്നിൽ എത്തുന്ന കാര്യങ്ങൾ ചെയ്ത്, കഴിച്ച് മുന്നോട്ടുപോവുന്നതാണ് നമ്മുടെ ഇഷ്ടങ്ങൾ. ഒന്ന് ഒരാൾ മുന്നോട്ട് വന്നാൽ ആയിരങ്ങൾ നമ്മെ പിന്തുണക്കാനുണ്ടാവും. ഏത് നല്ല പ്രയത്നവും ഒരിക്കലും ഇവിടെ വെറുതേ ആവില്ല. ഇതൊന്നു ഓർമ്മിപ്പിച്ചുകൊണ്ട്....
ഭക്ഷണത്തെക്കുറിച്ച് നിങ്ങൾ അറിയേണ്ടത് ഭാഗം-6