റിയൽമി 9 പ്രോ പ്ലസ് ഇന്ത്യൻ വിപണിയിൽ ഉടനെത്തുമെന്ന് റിപ്പോർട്ടുകൾ

9 സീരീസിലെ ഏറ്റവും ഉയർന്ന വേരിയന്റാണ് റിയൽമി 9 പ്രോ പ്ലസ്

ചൈനീസ് സ്മാർട്ട്ഫോൺ നിർമാതാക്കളായ റിയൽമി തങ്ങളുടെ ഏറ്റവും പുതിയ ഡിവൈസുകളിൽ ഒന്നായ റിയൽമി 9ഐ ഇന്ത്യൻ വിപണിയിൽ അവതരിപ്പിച്ചത് ദിവസങ്ങൾക്ക് മുമ്പാണ്.

ഇപ്പോഴിതാ 9 സീരീസിൽ തന്നെ ഏറ്റവും പുതിയ ഡിവൈസുകളിൽ ഒന്ന് കൂടി ഇന്ത്യയിൽ ലോഞ്ച് ചെയ്യുമെന്ന് സ്ഥിരീകരിച്ചിരിക്കുകയാണ് റിയൽ മി ഇന്ത്യ. ഔദ്യോഗിക ട്വിറ്റർ ഹാൻഡിലിൽ കൂടിയാണ് കമ്പനി പുതിയ റിയൽമി 9 പ്രോ പ്ലസ് ടീസ് ചെയ്തിരിക്കുന്നത്. 9 സീരീസിൽ തന്നെയുള്ള റിയൽമി 9, റിയൽമി 9 പ്രോ മോഡലുകൾക്കൊപ്പം ആയിരിക്കും പ്രോ പ്ലസും വിപണിയിൽ എത്തുക.

റിയൽമി ഇന്ത്യയുടെ മാധവ് ഷെത്ത് ഒരു ടെക് മാധ്യമത്തിന് നൽകിയ അഭിമുഖത്തിൽ ഈ ഡിവൈസുകൾ ഉടൻ ഇന്ത്യയിൽ അവതരിപ്പിക്കുമെന്ന് പറഞ്ഞിരുന്നു. എങ്കിലും റിയൽമി 9 പ്രോ പ്ലസിന്റെ സ്പെസിഫിക്കേഷനുകൾ, ഫീച്ചറുകൾ തുടങ്ങിയ വിവരങ്ങൾ ഒന്നും കമ്പനി ഇത് വരെ വെളിപ്പെടുത്താൻ തയ്യാറായിട്ടില്ല. റിയൽമി 9 പ്രോ പ്ലസുമായി ബന്ധപ്പെട്ടുള്ള എന്തെങ്കിലും വിവരങ്ങൾ പുറത്ത് വന്നത് അടുത്ത കാലത്തുണ്ടായ ഒരു ലീക്കിൽ നിന്നാണ്. കുറച്ച് റെൻഡറുകളും റിയൽമി 9 പ്രോ പ്ലസിനെക്കുറിച്ചുള്ള വിശദാംശങ്ങൾ പുറത്ത് വിട്ടിരുന്നു.

റിയൽമി ഇന്ത്യ തങ്ങളുടെ ഔദ്യോഗിക ട്വിറ്റർ ഹാൻഡിലിലൂടെ നടത്തിയ ടീസിങോടെയാണ് റിയൽമി 9 പ്രോ പ്ലസ് ഇന്ത്യയിൽ ലോഞ്ച് ചെയ്യുമെന്ന് സ്ഥിരീകരിച്ചത്. റിയൽമി 9 പ്രോ പ്ലസ് സ്മാർട്ട്‌ഫോണിന്റെ ടീസർ ചിത്രവും കമ്പനി പോസ്റ്റ് ചെയ്തിട്ടുണ്ട്. റിയൽമി 9 സീരീസിന്റെ ഭാഗമായി റിയൽമി 9 പ്രോ പ്ലസ് ലോഞ്ച് ചെയ്യുന്നതായി ട്വിറ്റർ പോസ്റ്റ് സ്ഥിരീകരിച്ചിട്ടുണ്ട്.

6000 എംഎഎച്ച് ബാറ്ററിയാണ് പുതിയ സവിശേഷത