മന്ത്രി സജി ചെറിയാൻ കേന്ദ്രമന്ത്രി സർബാനന്ദ സോനോവാളുമായി കൂടിക്കാഴ്ച നടത്തി*

*

*സ്വന്തം ലേഖകൻ*

ന്യൂഡൽഹി:  സംസ്ഥാന ഫിഷറീസ്-

സാംസ്കാരിക- യുവജനകാര്യ വകുപ്പ് മന്ത്രി സജി ചെറിയാൻ 

കേന്ദ്ര തുറമുഖ , ഷിപ്പിംഗ് - ജലപാത മന്ത്രി സർബാനന്ദ സോനോവാളുമായി കൂടിക്കാഴ്ച നടത്തി.

കേന്ദ്ര-കേരള സർക്കാരുകളും  യൂറോപ്യൻ യൂണിയനും  സംയുക്തമായി ഒരുക്കുന്ന കേരള-യൂറോപ്യൻ യൂണിയൻ(EU) ബ്ലൂ എക്കണോമി കോൺക്ലേവ് 2025 - “ബ്ലൂ ടൈഡ്സ്"ലേക്ക്   കേന്ദ്രമന്ത്രി സർബാനന്ദ സോനോവാളിനെ ക്ഷണിക്കുന്നതിനായിരുന്നു കൂടിക്കാഴ്ച. 

ബ്ലൂ എക്കണോമി കോൺക്ലേവ് 2025 - “ബ്ലൂ ടൈഡ്സിൻ്റെ ഏകോപനവും   സംഘാടനം സംസ്ഥാന ഫിഷറീസ് വകുപ്പാണ്.

സഫ്ദർജംഗ് റോഡിലെ റെസിഡൻഷ്യൽ ഓഫീസിൽ  നടന്ന കൂടിക്കാഴ്ചയിൽ  സംസ്ഥാന സർക്കാറിൻ്റെ ഡൽഹിയിലെ പ്രത്യേക പ്രതിനിധി പ്രൊഫ. കെ.വി തോമസ് , അഡീഷണൽ റസിഡൻ്റ് കമ്മീഷണർ അശ്വതി ശ്രീനിവാസ് എന്നിവർ പങ്കെടുത്തു. 

  കേരള-യൂറോപ്യൻ യൂണിയൻ

(EU )ബ്ലൂ എക്കണോമി കോൺക്ലേവ്  - “ബ്ലൂ ടൈഡ്സ്” 2025 സെപ്റ്റംബർ 18-19 തീയതികളിൽ തിരുവനന്തപുരം കോവളത്തുള്ള ദി ലീല റാവിസിൽ (The Leela Raviz) വെച്ച് നടക്കും.

​യൂറോപ്യൻ യൂണിയനിലെ (EU) അംഗരാജ്യങ്ങളുടെ അംബാസഡർമാർ, മുതിർന്ന നയരൂപകർത്താക്കൾ, നയതന്ത്രജ്ഞർ, വ്യവസായ പ്രമുഖർ, അക്കാദമിക് വിദഗ്ധർ, ബ്ലൂ എക്കണോമി (blue economy) മേഖലയിലെ വിദഗ്ദ്ധർ എന്നിവരെ ഒരുമിച്ച് കൊണ്ടുവരുന്ന ഒരു ഉന്നതതല പരിപാടിയാണിത്.

 ബ്ലൂ എക്കണോമിയിലെ സാധ്യതകളെക്കുറിച്ചും വെല്ലുവിളികളെക്കുറിച്ചും ചർച്ച ചെയ്യാനാണ് ഈ പരിപാടി ലക്ഷ്യമിടുന്നത്.  

​സമുദ്ര മത്സ്യബന്ധനം, അക്വാകൾച്ചർ, തീരദേശ അടിസ്ഥാന സൗകര്യങ്ങൾ, സർക്കുലർ എക്കണോമി, ഊർജ്ജ സംക്രമണം, സ്മാർട്ട് പോർട്ടുകൾ, ടൂറിസം, വിദ്യാഭ്യാസം, നൈപുണ്യ വികസനം തുടങ്ങിയ വിഷയങ്ങളിൽ സെഷനുകൾ ഉണ്ടായിരിക്കും. കൂടാതെ, സാംസ്കാരിക പരിപാടികളും നെറ്റ്‌വർക്കിംഗ് അവസരങ്ങളും ഈ കോൺക്ലേവിന്റെ ഭാഗമായി ഉണ്ടാകും.

​ഇന്ത്യ-കേരള-EU പങ്കാളിത്തം ശക്തിപ്പെടുത്തുന്നതിനും, സുസ്ഥിരമായ വളർച്ച പ്രോത്സാഹിപ്പിക്കുന്നതിനും, ബ്ലൂ എക്കണോമിയിലെ സഹകരണത്തിനും നൂതന ആശയങ്ങൾക്കുമുള്ള ഒരു കേന്ദ്രമായി കേരളത്തെ ഉയർത്തിക്കാട്ടുന്നതിനുമുള്ള ഒരു വേദി കൂടിയായിരിക്കും ഈ പരിപാടി.