നാടിനു കാവലായി ഇനി മുള്ളൻകൊല്ലിയിലെ ദമ്പതികളുണ്ട്

 പ്രാക്തന  ഗോത്ര വർഗ്ഗ വിഭാഗത്തിലെ ദമ്പതികൾ ഇനി പോലീസ് സേനയിൽ 

പുൽപള്ളി:മുള്ളൻകൊല്ലി കാപ്പിപ്പൊടി കോളനിയിലെ  പ്രാക്തന  ഗോത്ര വർഗ്ഗ വിഭാഗത്തിലെ കാട്ടുനായ്ക്ക വിഭാഗത്തിൽ നിന്നുമാണ് ഷിജുവും ഭാര്യ സുധ വിശ്വനാഥും  പോലീസ് സേനയിലേക്ക് ചുവടുവയ്ക്കുന്നത്. ജീവിത പ്രാരാബ്ദങ്ങളുടെ ഞെരുപ്പേടിൽ തളർന്നിരുന്ന ഈ ദമ്പതികൾ തൃശ്ശൂർ പോലീസ് അക്കാദമിയിൽനിന്ന്  പരിശീലനം പൂർത്തിയാക്കി.

ഷിജു പുൽപ്പള്ളി പഴശ്ശിരാജാ കോളേജിൽനിന്ന് ബിരുദവും , സി.കെ രാഘവൻ മെമ്മോറിയൽ ബി.എഡ് കോളേജിൽ നിന്ന് ബി. എഡ് ഫസ്റ്റ് ക്ലാസോടെ പാസാ വുകയും ചെയ്തു.പ്ലസ് ടു വിജയിച്ചതിനു ശേഷം  ഷിജു കൂലിപ്പണിക്ക് പോയാണ് കുടുംബം പുലർത്തിയിരുന്നത്.നാലുവർഷം മുമ്പ്  ഷിജു അവസാനവർഷ ബിരുദ വിദ്യാർത്ഥിയായിരിക്കുമ്പോളാണ് സുധയെ ജീവിതസഖിയാകുന്നത് . പഠനത്തിൽ മിടുക്കിയായിരുന്ന സുധ കാലിക്കറ്റ് സർവകലാശാല നിന്നും എം. എ രണ്ടാം റാങ്കോടെ പാസായി.

ഷിജു പട്ടിക വകുപ്പിന്റെ സാമൂഹ്യ പഠനമുറിയിൽ ഇൻസ്ട്ര ക്ടറായി ജോലി ചെയ്തു വരുകയായിരുന്നു.ഈ ദമ്പതികളുടെ  പോലീസ് സേനയിലേക്കുള്ള  ഒരുമിച്ചുള്ള ചുവടുവെപ്പ് നാടിനാകെ അഭിമാനമായിരിക്കുകയാണ്.

ധീര രക്തസാക്ഷികളുടെ സ്മരണകൾക്ക് മുന്നിൽ രാജ്യം ഒന്നടങ്കം പുഷ്പാഞ്ജലികളർപ്പിക്കുകയാണ്