തദ്ദേശ ദിനാഘോഷം: ഇന്ന് (17) ആർ എൽ വി രാമകൃഷ്ണൻ നയിക്കുന്ന നൃത്ത ത്രയം അരങ്ങേറും

ഗുരുവായൂരിൽ നടക്കുന്ന സംസ്ഥാന തദ്ദേശ ദിനാഘോഷം 2025 ന്റെ ഭാഗമായി 16.02.2025 ഞായറാഴ്ച രാവിലെ മുതൽ തദ്ദേശ സ്വയം ഭരണ സ്ഥാപനങ്ങളിലെ ജനപ്രതിനിധികൾക്കും ജീവനക്കാർക്കുമായി നടത്തിയ കലാമത്സരങ്ങൾ വിവിധ വേദികളിലായി നടന്നു. തുടർന്ന് വൈകിട്ട് 7 മണിക്ക് ഇന്ത്യൻ പീപ്പിൾ തിയറ്റർ അസോസിയേഷൻ (ഇപ്റ്റ) ആലപ്പുഴ അവതരിപ്പിച്ച നവീന നാടൻ പാട്ട് ദൃശ്യകലാമേള 'പാട്ടും പടവെട്ടും' അരങ്ങേറി.

ഫെബ്രുവരി 17 ന് വൈകിട്ട് 6 മണിക്ക് ഗുരുവായൂർ നഗരസഭ ടൗൺഹാളിൽ പ്രൊഫ. RLV രാമകൃഷ്ണൻ & ടീം അവതരിപ്പിക്കുന്ന 'നൃത്തത്രയം' എന്ന പരിപാടിയും വൈകിട്ട് 8 മണി മുതൽ ചലച്ചിത്ര താരം കൃഷ്ണപ്രഭ അവതരിപ്പിക്കുന്ന മെഗാഷോയും ഉണ്ടായിരിക്കും. ഫെബ്രുവരി 18 ന് വൈകിട്ട് 6 മുതൽ 'കൃഷ്ണനാട്ടം തിരഞ്ഞെടുത്ത ദൃശ്യങ്ങളും', 7 മണി മുതൽ ഗായകൻ പി. ജയചന്ദ്രൻ അനുസ്മരണ പരിപാടിയായ 'ഉപാസന' പൂന്താനം ഓഡിറ്റോറിയം വേദി 2 ഇൽ വെച്ച് അരങ്ങേറും.

സ്വന്തം ലേഖകൻ.