കിഫ്ബി സിഇഒ കെ എം എബ്രഹാം രാജിവെച്ചു; ഭരണ മാറ്റത്തിന് പിന്നാലെ പടിയിറക്കം — ഇനി തായ്‌ക്വാണ്ടോ പരിശീലനത്തിലേക്ക്.

തിരുവനന്തപുരം: കേരള ഇൻഫ്രാസ്ട്രക്ചർ ഇൻവെസ്റ്റ്‌മെന്റ് ഫണ്ട് ബോർഡ് (KIIFB) സിഇഒയായിരുന്ന കെ എം എബ്രഹാം രാജിവെച്ചു. സംസ്ഥാനത്തെ ഭരണപരമായ മാറ്റങ്ങൾക്ക് പിന്നാലെയാണ് അദ്ദേഹം പദവി ഒഴിഞ്ഞത്. ദീർഘകാലം ഭരണ-വിതരണ രംഗത്ത് നിർണായക പങ്ക് വഹിച്ചിരുന്ന ഉദ്യോഗസ്ഥന്റെ ഈ നീക്കം രാഷ്ട്രീയ-ഭരണ വൃത്തങ്ങളിൽ വലിയ ചര്‍ച്ചയ്ക്ക് വഴിയൊരുക്കിയിരിക്കുകയാണ്.

സംസ്ഥാനത്തെ വൻ അടിസ്ഥാന സൗകര്യ പദ്ധതികൾക്ക് ധനസഹായം ഉറപ്പാക്കുന്നതിൽ KIIFB നിർണായക പങ്ക് വഹിച്ചു എന്ന് ഭരണപക്ഷവും നിശിതമായ വഴി വിട്ട പ്രവർത്തനങ്ങളും ഉണ്ട്. എന്ന് പ്രതിപക്ഷവും ആരോപിക്കുന്ന അതിന്റെ പ്രവർത്തനങ്ങളിൽ കെ എം എബ്രഹാമിന്റെ ഭരണപരമായ പരിചയവും കർശനമായ ധനശാസ്ത്ര സമീപനവും ശ്രദ്ധേയമായിരുന്നു. എന്നാൽ പുതിയ ഭരണക്രമീകരണങ്ങൾക്ക് പിന്നാലെ അദ്ദേഹം പദവി ഒഴിയുന്നത് ഒരു നിർണായക വഴിത്തിരിവായി കണക്കാക്കപ്പെടുന്നു.

അതേസമയം, പദവി ഒഴിഞ്ഞ ശേഷം തികച്ചും വ്യത്യസ്തമായ ഒരു മേഖലയിൽ ശ്രദ്ധ കേന്ദ്രീകരിക്കാൻ കെ എം എബ്രഹാം ഒരുങ്ങുകയാണ്. *തായ്‌ക്വാണ്ടോയിൽ 8-ാം ഡാൻ ബ്ലാക്ക്* ബെൽറ്റ് നേടിയിട്ടുള്ള അദ്ദേഹം ഇനി പരിശീലകനെന്ന നിലയിൽ സജീവമാകാനാണ് തീരുമാനം. ഭരണരംഗത്ത് കരുത്ത് തെളിയിച്ച വ്യക്തി കായികരംഗത്തേക്ക് തിരിയുന്നത് ശ്രദ്ധേയമായ മാറ്റമായി വിലയിരുത്തപ്പെടുന്നു.

പ്രശാസനത്തിലും കായികരംഗത്തും ഒരുപോലെ മികവ് തെളിയിച്ച വ്യക്തിത്വമായി കെ എം എബ്രഹാം മാറുമ്പോൾ, അദ്ദേഹത്തിന്റെ അടുത്ത അധ്യായം എങ്ങനെയായിരിക്കും എന്നത് ആകാംക്ഷയോടെയാണ് കേരളം നോക്കുന്നത്.