സംസ്ഥാനത്ത് സ്കൂളുകള് തുറക്കുന്നു, മാര്‍ഗനിര്‍ദേശങ്ങള്‍ പൊതു വിദ്യാഭ്യാസ ഡയറക്ടര്‍ പുറത്തിറക്കി.
- Posted on December 28, 2020
- News
- By enmalayalam
- 226 Views
ജനുവരി ഒന്നിന് സ്കൂളുകള് തുറക്കുമ്പോള്‍ 50 ശതമാനം കുട്ടികളെയാണ് അനുവദിക്കുക. 300ലധികം കുട്ടികളുള്ള സ്‌കൂളുകളില്‍ 10, 12 ക്ലാസ്സുകളില്‍ 25 ശതമാനം പേരെ മാത്രമേ ഒരേസമയം അനുവദിക്കുകയുള്ളൂ.
10, 12 ക്ലാസ്സുകളിലെ പൊതു പരീക്ഷകള്‍ കൊറോണ മാനദണ്ഡങ്ങള്‍ കര്‍ശനമായി പാലിച്ച്‌ 2021 മാര്‍ച്ച്‌ 17 മുതല്‍ 30 വരെ നടത്തും. ഇതിന്‍റെ ഭാഗമായിട്ടാണ് ജനുവരി ഒന്നു മുതല്‍ സ്കൂളുകള് തുറക്കുന്നത്. 10, പ്ലസ് ടു ക്ലാസുകളിലെ വിദ്യാര്‍ത്ഥികള്‍ക്കായാണ് ആദ്യഘട്ടത്തില്‍ സ്കൂളുകള് തുറക്കുന്നത്.
പൊതുനിര്‍ദ്ദേശങ്ങള്‍
1. ആദ്യഘട്ടത്തില്‍ ഒരു സമയം പരമാവധി 50 ശതമാനം കുട്ടികളെ മാത്രമേ സ്‌കൂളുകളില്‍ അനുവദിക്കാന്‍ പാടുള്ളൂ.
2. ആദ്യത്തെ ആഴ്ച ഒരു ബഞ്ചില്‍ ഒരു കുട്ടി എന്ന നിലയില്‍ ക്ലാസുകള്‍ ക്രമീകരിക്കേതാണ്.
3. 10, +2 തലത്തില്‍ പ്രത്യേകം പ്രത്യേകമായി 300 കുട്ടികള്‍ വരെയുള്ള സ്‌കൂളുകളില്‍ ഒരു സമയം 50% വരെ കുട്ടികള്‍ക്ക് ഹാജരാകാവുന്നതാണ്. അതില്‍ക്കൂടുതലുള്ള സ്‌കൂളുകളില്‍ ഒരുസമയം 25% കുട്ടികള്‍ ഹാജരാകുന്നതാണ് ഉചിതം.
4. കുട്ടികള്‍ സ്‌കൂളിലേക്കു വരുന്ന ആദ്യത്തെ ആഴ്ചയില്‍ സ്‌കൂള്‍തലത്തിലെ സമയക്രമം താഴെപ്പറയുന്ന രീതിയില്‍ ക്രമീകരിക്കാവുന്നതാണ്.
a) രാവിലെ 9 മണിക്കോ 10 മണിക്കോ ആരംഭിച്ച്‌ 12 മണിക്കോ 1 മണിക്കോ പൂര്‍ത്തിയാകുന്ന ആദ്യഘട്ടം. അല്ലെങ്കില്‍ 1 മണിക്കോ 2 മണിക്കോ തുടങ്ങി 4 മണിക്കോ 5 മണിക്കോ അവസാനിക്കുന്ന രണ്ടാം ഘട്ടം. (പരമാവധി 3 മണിക്കൂര്‍).
b) സ്‌കൂളിലേക്ക് ആകെയുള്ള കുട്ടികള്‍, ലഭ്യമായ ക്ലാസ്മുറികള്‍, മറ്റു സൗകര്യങ്ങള്‍ എന്നിവ കണക്കിലെടുത്തുവേണം സ്‌കൂളിലേക്കു വരുന്ന കുട്ടികളുടെ എണ്ണം നിജപ്പെടുത്തേണ്ടത്.
c) കുട്ടികള്‍ തമ്മില്‍ രണ്ട് മീറ്റര്‍ ശാരീരിക അകലം പാലിക്കേണ്ടതാണ്. ഇതിനായി ആവശ്യമെങ്കില്‍ മറ്റു ക്ലാസ്റൂമുകള്‍ കൂടി ഉപയോഗപ്പെടുത്തേണ്ടതാണ്.
d) പല ബാച്ചുകളായി കുട്ടികള്‍ കടന്നുവരുമ്പോള്‍ കുട്ടികളുടെ ക്ലാസ് തുടങ്ങുന്ന സമയം, ഇടവേള, അവസാനിക്കുന്ന സമയം ഇവയെല്ലാം വ്യത്യസ്ത സമയമായി ക്രമീകരിക്കാവുന്നതാണ്.
5. കോവിഡ് രോഗബാധിതര്‍ (കുട്ടികള്‍, അധ്യാപകര്‍, സ്‌കൂള്‍ ജീവനക്കാര്‍), രോഗ ലക്ഷണങ്ങള്‍ ഉള്ളവര്‍ ക്വാറന്‍റൈനില്‍ ഉള്ളവര്‍ എന്നിവര്‍ ആരോഗ്യവകുപ്പ് നിശ്ചയിച്ചിട്ടുള്ള ദിവസങ്ങള്‍ക്കുശേഷം മാത്രമേ സ്‌കൂളുകളില്‍ ഹാജരാകാന്‍ പാടുള്ളൂ. കോവിഡ് പോസിറ്റീവ് ആയിട്ടുള്ള രോഗികളുടെ വീടുകളില്‍ നിന്ന് വിദ്യാര്‍ത്ഥികള്‍, രക്ഷാകര്‍ത്താക്കള്‍, മറ്റു ജീവനക്കാര്‍ എന്നിവര്‍ സ്‌കൂളുകളില്‍ വരാതിരിക്കുന്നതാണ് അഭികാമ്യം.
6. സ്‌കൂളുകളില്‍ മതിയായ അണുനശീകരണ പ്രവര്‍ത്തനങ്ങള്‍ ഉറപ്പു വരുത്തണം.
7. സ്‌കൂള്‍ പരിസരം, ഫര്‍ണീച്ചറുകള്‍, സ്റ്റേഷനറി, സ്റ്റോര്‍ റൂം, വാട്ടര്‍ ടാങ്ക്, അടുക്കള, കാന്‍റീന്‍, ശുചിമുറി, ലാബ്, ലൈബ്രറി തുടങ്ങിയ എല്ലാ സ്ഥലങ്ങളും അണുവിമുക്തമാക്കേണ്ടതാണ്.
8. കോവിഡ് 19-നൊപ്പം ജലജന്യരോഗങ്ങളും കണ്ടു തുടങ്ങിയിട്ടുള്ളതിനാല്‍ കുടിവെള്ള ടാങ്ക്, കിണറുകള്‍, മറ്റ് ജലസ്രോതസ്സുകള്‍ എന്നിവ നിര്‍ബന്ധമായും അണുവിമുക്ത മാക്കേതാണ്. പ്രാഥമിക ആരോഗ്യ കേന്ദ്രങ്ങളുമായി ബന്ധപ്പെട്ട് ഇതിനുള്ള ക്രമീകരണങ്ങള്‍ നടത്തേതാണ്.
9. സ്‌കൂളുകളില്‍ മാസ്‌ക്, ഡിജിറ്റി തെര്‍മോമീറ്റര്‍, സാനിറ്റൈസര്‍, സോപ്പ് തുടങ്ങിയവ സജ്ജീകരിക്കേണ്ടതാണ്.
10. കോവിഡ് പ്രോട്ടോക്കോള്‍ പാലിച്ചായിരിക്കണം കുട്ടികള്‍ ക്ലാസ്സുകളില്‍ ഇരിക്കേണ്ടത്. സ്റ്റാഫ് റൂമിലും അധ്യാപകര്‍ക്ക് നിശ്ചിത അകലം പാലിച്ചു കൊണ്ടുള്ള ഇരിപ്പിടങ്ങള്‍ ക്രമീകരിക്കേണ്ടതാണ്.
11. പൊതുജന സമ്പര്‍ക്കം വരുന്ന സ്ഥലങ്ങള്‍, ഓഫീസ് റൂം, തുടങ്ങിയ സ്ഥലങ്ങളിലും മേല്‍പ്പറഞ്ഞ രീതിയില്‍ അകലം പാലിക്കേണ്ടതാണ്.
12. സാമൂഹിക/ശാരീരിക അകലം പാലിക്കുന്നത് കുട്ടികളെ ഓര്‍മ്മിപ്പിച്ചുകൊണ്ട് പോസ്റ്ററുകള്‍, സ്റ്റിക്കറുകള്‍, സൂചനാ ബോര്‍ഡുകള്‍ എന്നിവ ക്ലാസ്സ് റൂമുകള്‍, ലൈബ്രറികള്‍, കൈകള്‍ വൃത്തിയാക്കുന്ന ഇടങ്ങള്‍, വാഷ്റൂമിന് പുറത്ത്, സ്‌കൂള്‍ ബസ് തുടങ്ങിയ ഇടങ്ങളില്‍ പതിക്കാന്‍ പ്രത്യേകം ശ്രദ്ധിക്കണം.
13. കുടിവെള്ളം ലഭ്യമാകുന്ന സ്ഥലം, കൈകള്‍ കഴുകുന്ന സ്ഥലം, വാഷ്റൂം തുടങ്ങിയ സ്ഥലങ്ങളിലും കൊവിഡ് പ്രോട്ടോക്കോള്‍ പാലിക്കുന്നതിനായി നിശ്ചിത അകലത്തില്‍ അടയാളപ്പെടുത്തലുകള്‍ വരുത്തേതാണ്.
14. കുട്ടികള്‍ക്കും അധ്യാപകര്‍ക്കും ആവശ്യമായ ഘട്ടങ്ങളില്‍ ആരോഗ്യ പരിശോധനാ സൗകര്യം ഒരുക്കണം.
15. സ്‌കൂള്‍ വാഹനത്തിനുള്ളിലും മറ്റു വാഹനങ്ങളിലും എല്ലാവരും സാമൂഹിക അകലം പാലിക്കുക. സ്‌കൂള്‍ വാഹനങ്ങളില്‍ പ്രവേശിക്കുന്നതിനു മുമ്ബ് തെര്‍മല്‍ സ്‌ക്രീനിംഗ് നടത്തുക. വാഹനങ്ങള്‍ക്കുള്ളില്‍ മാസ്‌ക് നിര്‍ബന്ധമാക്കുക. വാഹനത്തിന്‍റെ ജനാലകളില്‍ കര്‍ട്ടനുകള്‍ ഇടാതിരിക്കുക. എല്ലാ ജനാലകളും തുറന്നിടാന്‍ ശ്രദ്ധിക്കുക.
