തിരുവനന്തപുരം വീമാനത്താവളത്തിലിനി ഇലക്‌ട്രിക്‌ ബസ്സുകൾ.

തിരുവനന്തപുരം വിമാനത്താവളത്തിൽ യാത്രക്കാരെ ടെർമിനലിൽ നിന്ന് വിമാനങ്ങളിലും തിരിച്ചും എത്തിക്കാൻ ഇനി ഇലക്ട്രിക് ബസുകൾ.

 വിമാനത്താവളത്തെ പരിസ്ഥിതി സൗഹൃദമാക്കാനുള്ള നടപടികളുമായി കൈകോർത്ത് ഇൻഡിഗോ എയർലൈൻസ് ആണ് 4 ഇ-പാസഞ്ചർ കോച്ചുകൾ കമ്മിഷൻ ചെയ്തത്. 

ഒരേസമയം 35 യാത്രക്കാരെ കൊണ്ടുപോകാൻ സൗകര്യമുള്ള കോച്ചുകളാണിത്. ആഭ്യന്തര, രാജ്യാന്തര സർവീസുകൾക്ക് ഈ കോച്ചുകൾ ഉപയോഗിക്കും. 

എയർപോർട്ടിലെ മറ്റു ഗ്രൗണ്ട് ഹാൻഡ്ലിങ് വാഹനങ്ങളും വൈകാതെ ഇ-കോച്ചുകളായി മാറും. എയർപോർട്ടിൽ ഔദ്യോഗിക ആവശ്യങ്ങൾക്ക് ഉപയോഗിച്ചിരുന്ന 18 കാറുകൾ അടുത്തിടെ മാറ്റി ഇ-കാറുകൾ ആക്കിയിരുന്നു.