കോഴിക്കോട് മാതൃ ശിശു സംരക്ഷണ കേന്ദ്രം: അസോസിയേറ്റ് പ്രൊഫസറെ സസ്പെന്ഡ് ചെയ്തു
- Posted on May 17, 2024
- Health News
- By Varsha Giri
- 173 Views
കോഴിക്കോട് മാതൃ ശിശു സംരക്ഷണ കേന്ദ്രം: അസോസിയേറ്റ് പ്രൊഫസറെ സസ്പെന്ഡ് ചെയ്തു.
![](https://www.enmalayalam.com/image/1200_66460e1b46f1b_F-b2Ohslj0nQ.webp)
കോഴിക്കോട് മെഡിക്കല് കോളേജ് മാതൃ ശിശു സംരക്ഷണ കേന്ദ്രത്തില് നാല് വയസുകാരിയ്ക്ക് ശസ്ത്രക്രിയാ പിഴവ് സംഭവിച്ചെന്ന പരാതിയില് അസോസിയേറ്റ് പ്രൊഫസര് ഡോ. ബിജോണ് ജോണ്സണെ അന്വേഷണ വിധേയമായി സസ്പെന്ഡ് ചെയ്തു. സംഭവത്തെപ്പറ്റി അടിയന്തരമായി അന്വേഷണം നടത്തി റിപ്പോര്ട്ട് സമര്പ്പിക്കാന് ആരോഗ്യ വകുപ്പ് മന്ത്രി വീണാ ജോര്ജ് മെഡിക്കല് വിദ്യാഭ്യാസ വകുപ്പ് ഡയറക്ടര്ക്ക് നിര്ദേശം നല്കിയിരുന്നു. ഇതിന്റെയടിസ്ഥാനത്തിലാണ് നടപടി. വിശദമായ അന്വേഷണം നടത്തി തുടര്നടപടി സ്വീകരിക്കാനും മന്ത്രി നിര്ദേശം നല്കി. ആശുപത്രികള് പ്രോട്ടോകോളുകള് കൃത്യമായി പാലിക്കാന് മന്ത്രി കര്ശന നിര്ദേശം നല്കി.
സ്വന്തം ലേഖകൻ