നിറയെ പോസിറ്റിവിറ്റിയുമായി ഒരുഭക്തിഗാനം "പാടുന്നതോ രണ്ടു കുരുന്നുകളും" (കരോൾ ഗാനത്തിന്റെ ചരിത്രവും)

പ്രാർത്ഥനയിൽ സകലതും മറന്നു പോകുമ്പോൾ വിചാരങ്ങൾ വരികളായി മാറുമ്പോൾ  വരികളിൽ സംഗീതം നിറയുമ്പോൾ അതൊരു പുതിയ ഭക്തിഗാനമായി പരിണമിക്കുന്നു! കുഞ്ഞുമക്കളുടെ മധുരതരമായ ശബ്ദത്തിൽ ഉള്ള ഈ ഗാനം എല്ലാവര്ക്കും ആദ്യം കേൾക്കുമ്പോൾ തന്നെ ഇഷ്ടമാവും എന്ന് തീർച്ചയാണ്.

കരോൾ ഗാനങ്ങളുടെ തുടക്കം 

ക്രിസ്തുമസും ആഘോഷങ്ങളും നിലച്ച ഒരു കാലഘട്ടം ഉണ്ടായിരുന്നു  അതിനൊരു കാരണവും ഉണ്ട്  . എട്ടാം നൂറ്റാണ്ടുമുതൽ പലരും ക്രിസ്തുമസ് കരോളുകൾ രചിക്കാൻ തുടങ്ങി. എന്നാൽ ഇവ ലാറ്റിനിൽ ആയിരുന്നു. ലാറ്റിൻ മനസ്സിലാകുന്നവർ കുറവായതിനാൽ അധികം പേർ കരോളിൽ താല്പര്യം കാണിച്ചില്ല. 1200 -കളോടെ ക്രിസ്തുമസ് ആഘോഷിക്കുവാനുള്ള താല്പര്യം തന്നെ ഏറെക്കുറെ നഷ്ടമായി. 

കരോൾ ആദ്യമായി പാടിയത് ആയിരക്കണക്കിന് വർഷങ്ങൾക്കുമുൻപ് യൂറോപ്പിലാണ്. എന്നാൽ അത് ക്രിസ്‌തുമസ്‌ കരോൾ ആയിരുന്നില്ല. ദക്ഷിണായനാന്ത (ഡിസംബർ 21 -23 ) ആഘോഷത്തിന് അക്രൈസ്‌തവർ നൃത്തം ചെയ്ത് ആലപിക്കാറുള്ള ഗാനങ്ങളായിരുന്നു. ആദ്യ ക്രിസ്ത്യാനികൾ അയനാന്തകാലത്തെ ആഘോഷരീതി ഏറ്റെടുത്ത് ക്രിസ്തുമസിന് ക്രിസ്ത്യൻ ഗാനങ്ങൾ ആലപിക്കുന്ന രീതി കൊണ്ടുവന്നു.

എ. ഡി. 129-ലാണ് ആദ്യമായി ക്രിസ്തുമസ് ഗാനം രചിക്കപ്പെട്ടതായി രേഖകളുള്ളത്. ലാറ്റിനിൽ എഴുതപ്പെട്ട ഇവ അപ്പോൾ സ്തോത്രങ്ങൾ(Hymns) എന്നാണ് അറിയപ്പെട്ടിരുന്നത്. 

പിന്നീട് ക്രിസ്തുമസിന്റെയും ആഘോഷങ്ങളുടെയും കാലഘട്ടം തിരിച്ചുവന്നത്  1223-ൽ വി. ഫ്രാൻസിസ് അസ്സീസ്സി ഇറ്റലിയിൽ തദ്ദേശീയമായ നാടകങ്ങൾ ആരംഭിച്ചതോടെയാണ്.

 ഇതിൽ ലഘു സ്തോത്രങ്ങളും ഗാനങ്ങളും ഉൾപ്പെടുത്തിയാണ് കഥ പറഞ്ഞത്. ചില ഭാഗങ്ങൾ ലാറ്റിനിലാണെങ്കിലും മിക്ക ഭാഗവും ആളുകൾക്ക് മനസ്സിലാകുന്ന ഭാഷകളിലായിരുന്നു. ഈ കഥകൾ മിക്കതും ബൈബിളിൽ നിന്നുള്ളതല്ലായിരുന്നു. ഈ കരോളുകൾ ഫ്രാൻസിലേക്കും സ്പെയിനിനെക്കും ജർമനിയിലേക്കും മറ്റു യൂറോപ്യൻ രാജ്യങ്ങളിലേക്കും വ്യാപിച്ചു. 

പള്ളികളിലേക്കാൾ കൂടുതൽ വീടുകളിലും തെരുവുകളിലും ആയിരുന്നു ആലപിക്കാറ്‌. ആദ്യ കരോൾ 1410-ലാണ് എഴുതപ്പെട്ടത്. പരിശുദ്ധ മറിയവും യേശുവും ബെത്ലെഹെമിൽ പലരെയും കണ്ടുമുട്ടുന്നതിനെക്കുറിച്ചായിരുന്നു ആ കരോൾ. ഈ കാലഘട്ടത്തിലെ കരോളുകളിൽ മിക്കതും യഥാർത്ഥ കഥകളല്ലായിരുന്നു.